departamento de orientación ies agra de leborís
NOVAS OPTATIVAS da ESO e do BACHARELATO
EDUCACIÓN FINANCEIRA
(1º ciclo de ESO)
Trátase de potenciar coñecementos, destrezas e habilidades de corte económico que permitan ao alumnado comprender a importancia de conceptos clave como o aforro, o orzamento, os gastos, os ingresos, o custo das cousas, a calidade de vida, o consumo responsable, etc., así como poder levar a cabo procedementos bancarios básicos como a apertura dunha conta, o control dos seus propios ingresos, cambios de divisas, uso de tarxetas de crédito e de débito… En último término, o obxectivo é que sexan capaces de extrapolar eses coñecementos e habilidades á súa vida cotiá, persoal e familiar.
ECONOMÍA (4º ESO)
Sentar as bases para a comprensión e valoración crítica dos conceptos económicos que están presentes na práctica totalidade das actividades que se levan a cabo nunha sociedade. Conseguirase a través dos seguintes bloques:
Bloque I. Introducción á Economía. Bloque II. A educación do consumidor. Bloque III. A empresa e o espíritu emprendedor.
Bloque IV. Educación financeira. Bloque V. O mercado de traballo. Bloque VI. O papel do sector público na economía.
Bloque VII. Macroeconomía e actualidade.
INICIACIÓN Á ACTIVIDADE EMPRENDEDORA E EMPRESARIAL
(4º ESO)
Esta asignatura pretende que as/os nosas/os alumnas/os alcancen capacidades relacionadas coa creatividade e o espíritu innovador, a valoración das ideas como motor para detectar oportunidades de negocios viables e sostibles e o desenvolvemento dunha cultura financeira básica que lles permita actuar con responsabilidade tanto na súa vida persoal como laboral. Articúlase en tres bloques de contidos:
1.- Autonomía persoal, liderazgo e innovación. Os alumnos iniciaranse no proceso de toma de decisións e deberán asumir con responsabilidade os resultados obtidos tanto do traballo persoal como do traballo en equipo, con isto fomentarase a creatividade e o espíritu innovador.
2.- Proxecto empresarial. Iniciarase ao alumnado no plantexamento de alternativas de negocio, aplicando técnicas de xeración de ideas, para continuar coa planificación e elaboración dun plan de empresa.
3.- Finanzas. Persigue iniciar al alumno no que entendemos por cultura financeira, é dicir, adquirir conciencia sobre os distintos productos financeiros básicos e os seus riscos asociados de xeito que, como consumidores podan tomar decisións informadas no ámbito financeiro.
FUNDAMENTOS DE ADMINISTRACIÓN
E XESTIÓN (2º BACH)
O obxecto desta materia é o estudio e desenvolvemento das funcións de carácter administrativo e de xestión que se realizan nas organizacións empresariais e que se presentan agrupadas nunha serie de procesos de traballo.
Preténdese introducir ao alumnado no coñecemento das técnicas utilizadas na administración e xestión das organizacións empresariales, sen caer nunha excesiva especialización, proporcionando un ensino polivalente que lle permita a capacidade de adaptación para afrontar os posibles cambios e innovacións que se produzan.
ANÁLISE MUSICAL I e II
(1º e 2º Bacharelato)
O obxectivo fundamental desta materia é APRENDER A ESCOITAR E ENTEDER A MÚSICA, tanto clásica como popular. Para isto se ofrecerá unha serie de ferramentas que permitan ao alumnado diferenciar os elementos musicais, non só dende o punto de vista auditivo senon tamén visual.
A nivel práctico, a clase desenvólvese diariamente a través da audición musical e o comentario analítico verbal e/ou escrito do alumnado. A materia permite desenvolver capacidades analíticas pero tamén de síntese.
LINGUAXE E PRÁCTICA MUSICAL
(1º Bacharelato)
O obxectivo xeral desta materia é COMPRENDER E UTILIZAR A LINGUAXE MUSICAL (solfexo) dende un punto de vista teórico e práctico.
Na clase práctica o alumnado terá que tocar, improvisar, crear música cos instrumentos dispoñibles na clase de música, recoñecendo os patróns rítmicos, melódicos, dinámicos e harmónicos que presentan as partituras. A materia engade tamén coñecementos relativos ás TIC co uso de programas de edición de partituras.
HISTORIA DA MÚSICA E DA DANZA
(2º de Bacharelato)
O obxectivo desta materia é APRENDER A RECOÑECER os rasgos e características que definen a música e a danza ao longo da historia. Ofrecemos ao alumnado un marco teórico sobre os períodos artístico musicais e escoitamos música cada día para poder asociala a ese contexto histórico.
Ademáis do marco teórico, a nivel práctico, o alumnado deberá desenvolver o comentario histórico da música escoitada. Ademáis dos contidos estrictamente musicais, nesta materia desenvolvemos a capacidade de expresión escrita, e de síntese.
PORTUGUÉS
O portugués é unha materia que ofrece o departamento de lingua galega como 2ª Lingua estranxeira ou como 1ª Lingua.
Para o alumnado galego representa unha oportunidade de acceder a máis de 200 millóns de falantes (5ª lingua máis falada no mundo, e en ascenso), sen o esforzo que esixe a aprendizaxe dunha lingua estranxeira. Ademais o portugués, en todas as súas variantes (portuguesa, brasileira, angolana...), ofrece unha riqueza cultural (historia, arte, música, gastronomía...) que a fai moi atractiva.
A proposta de aprendizaxe é activa, entrando en contacto, desde a primeira aula, coa lingua en situacións reais e coas diferentes culturas en lingua portuguesa, con especial protagonismo da música, os costumes e a cultura en xeral.
Debuxo Artístico I y II
(1º y 2º de bacharelato)
Afondarase nas destrezas e no conceptos do debuxo sun xeito eminentemete práctico,
A aprendizaxe estética realizarase sobre bases teóricas e prácticas, fomentando a creatividade, o espírito de investigación.
A materia de Debuxo Artístico esta orientando para preparar para outras ensinanzas posteriores (grados universitarios , ciclos formativos, etc) que o alumnado poida cursar, sexan artísticas ou tecnolóxicas, como base para a formación de profesionais creativos/as: ensinanzas artísticos superiores, ensinanzas profesionais de artes plásticas e deseño, belas artes e outras afíns; en definitiva, ensinanzas creativas nas súas múltiples facetas (interiores, moda, produto, gráfico, multimedia, xoiaría, ilustración, deseño web, multimedia,carpintería,moblaxe, arquitectura efímera, escaparatismo, etc.).
Técnicas Expr. Gráfico-plástica 2º de bacharelato
O alumnado adquirirá o coñecemento e a aplicación dos recursos, as técnicas, os métodos e as aplicacións instrumentais que utilizaron e seguen utilizando os/as artistas ao longo da historia dunha forma teórico- práctica. Traballaranse as técnicas gráfico-plásticas tradicionais nos campos do debuxo, a pintura e o gravado, así como noutras técnicas mixtas e alternativas máis recentes,
Está orientando para preparar para outras ensinanzas posteriores ( grados univeristarios, ciclos formativos, etc) que o alumnado poida cursar no campo das artes gráficas, gravado calcográfico,patrimonio artístico deseño grafico, autoedición, estampador de serigrafía, gráfica publicitaria, ilustración, gravado e técnicas de estampación, edición de arte (libro), gravado e técnicas de estampación, etc.
Volume 2º de bacharelato
Esta materia ocúpase do estudo específico do espazo tridimensional 3D e o volume no ámbito da expresión artística. A aprendizaxe desta materia axudará a comprender que a forma, o tamaño, a cor e o acabamento de grande parte dos obxectos producidos polas persoas veñen determinados, en boa medida, polos materiais cos que están construídos, a función, o uso e o ámbito cultural, ou polos significados e os valores que se lle queiran outorgar.
Ao tratarse dunha materia de carácter eminentemente práctico, proporciónalle ao alumnado un dominio esencial e unha axeitada axilidade e destreza no manexo dos medios de expresión da linguaxe tridimensional3D, e o coñecemento das técnicas e os procedementos útiles, e os materiais máis comúns.
Está orientando para preparar para outras ensinanzas posteriores que o alumnado poida cursar estudos superiores ( grados univeristarios, ciclos formativos,etc) no campo da conservación e restauración de bens culturais, deseño de interiores, deseño de moda, deseño gráfico, deseño textil, deseño en vidro ou cerámico, vaciado e modelado, moldes e reproduccións cerámicas, arquitectura efímera, escaparatismo, amoblamento, elementos de xardín, modelismo e maquetismo, modelismo industrial, etc
Relixión católica no Bacharelato
Obxetivos do bacharelato:
No bacharelato impártese una hora semanal da asignatura de Relixión Católica en cada curso.
Ambos cursos están interconectados entre sí, e plantéxanse catro bloques de contidos, dous por cada curso.
Os bloques son:
1._ O ser humano busca sentido á vida.
2.-Deus á busca do ser humano.
3.- O ser humano que busca a Deus.
4.- O cristianismo como civilización do amor
Os bloques están orientados , primeiro o coñecemento da realidade cristiá, da súa historia e ada súa estrutura, pero tamen a server de base ou de complemento a outras materias que se imparten dentro do currículo do bacharelato.
Quere por en valor o aspecto espiritual e relixioso da persona tanto no plano privado coma publico, facendo que cada aspecto da vida, dende o espiritual ata o xurídico pasando polo histórico, literario, artístico, filosófico, científico etc. Quede imbuido dunha realidade incostestable como é valor espiritual e dentro del o aspecto relixioso que se manifesta nunha realidade concreta nunha cultura determinada que non se pode apartar da realidade cultural, social, económica e histórica do mundo no que vivimos.
Ciencias aplicadas á actividade profesional
A materia de Ciencias Aplicadas á Actividade Profesional ofrece a oportunidade ao alumnado de aplicar, en cuestións prácticas, cotiás e próximas, os coñecementos adquiridos ao longo dos cursos anteriores en materias tales como Química, Física, Bioloxía ou Xeoloxía.
Tamén proporciona unha orientación xeral aos estudantes sobre os métodos prácticos da ciencia, as operacións básicas de laboratorio, as súas aplicacións á actividade profesional e os impactos ambientais que leva; estes coñecementos achegaranlles unha base moi importante para abordar en mellores condicións os estudos de formación profesional nas familias agraria, industrias alimentarias, química, sanidade, vidro e cerámica,etc.
Contidos
Bloque 1. Técnicas instrumentais básicas
Bloque 2. Aplicacións da ciencia na conservación do medio ambiente
Bloque 3. Investigación, Desenvolvemento e Innovación (I+D+i)
Bloque 4. Proxecto de investigación
Iniciación á programación con scratch
Scratch é unha linguaxe de programación visual moi sinxela de empregar, para ensinar conceptos básicos de programación. Nesta asignatura o alumno crea: historias interactivas, xogos, animacións, videoxogos, música e comparte a súas creacións con outras persoas na web. Para iso o alumn@ crea bloques gráficos e encáixaos como se foran ladrillos ou pezas dun puzzle. Esta forma de programar permite ós alumnos mellorar a súa creatividade, pensamento lóxico e o traballo colaborativo, así como as aptitudes e aprendizaxes futuras en todas as asignaturas.
Mais información en https://scratch.mit.edu/
Robótica
A robótica é unha ciencia encamiñada a deseñar e construír aparellos capaces de realizar tarefas propias dun ser humano. Hoxe en día practicamente todo está automatizado e as industrias traballan cada vez con máis robots.
Na asignatura de robótica empregaremos unha tarxeta controladora denominada “arduino” para aprender a programar distintos dispositivos electrónicos con sensores e finalmente aplicar o aprendido ó funcionamento dun pequeno robot. É unha asignatura totalmente práctica que se impartirá a maior parte na aula de informática e a outra parte no taller de tecnoloxía.
Tecnoloxías da Información e da Comunicación (TIC)
Esta asignatura é impartida totalmente na aula de informática. Aquí os alumn@s estudarán: arquitectura dos ordenadores, sistemas operativos, seguridade informática, hardware, programas de edición de texto, de cálculo, de elaboración de presentacións, de tratamento de imaxes (retoque fotográfico).
Tecnoloxías da Información e da Comunicación I (TIC I)
Nesta asinatura os alumn@s afondarán nos contidos impartidos na asignatura de TIC e traballarán con programas novos de programación como por exemplo o appinventor.
Tecnoloxías da Información e da Comunicación II (TIC II)
En TIC II os alumn@s estudarán contidos como: seguridade na rede, programación, redes de computadores, e publicación de contidos na web elaborando neste caso unha páxina web ou un blogue. Ademais afondarán nalgún tema da asignatura de TIC I.
Cultura científica
A cultura científica contribúe a que as persoas comprendan o presente no que viven, a súa saúde, a súa contorna tecnolóxica, as súas oportunidades e os seus perigos.
A diario, os medios de comunicación informan sobre noticias cun gran transfondo científico. Ademais, na vida cotiá preséntanse situacións nas que se necesita unha formación científica básica. Tal é o caso da sanidade, a preparación de alimentos, a protección fronte a riscos naturais e o uso de electrodomésticos e dispositivos electrónicos cada vez máis complexos. É por iso polo que se require unha cultura científica básica que forme a cidadáns que se desenvolvan nun contexto social cada vez máis rico en contidos científicos e tecnolóxicos.
Os contidos da materia son:
Bloque 1.Procedementos de traballo
Bloque 2.A Terra e a vida
Bloque 3. Avances en biomedicina
Bloque 4. A revolución xenética
Bloque 5. Novas tecnoloxías en comunicación e información
Anatomía aplicada
Está integrada por coñecementos procedentes da anatomía descritiva, anatomía funcional, fisioloxía, biomecánica e patoloxía; todo iso co fin de aumentar a comprensión do corpo humano desde o punto de vista biolóxico xeneral e de previr a aparición de certos procesos patolóxicos.
Vai servir para complementar a formación en bioloxía humana de todos aqueles alumnos e alumnas que desexen dirixir os seus estudos ás diferentes ramas científicas, sanitarias e de actividades físicas e do deporte.
Contidos
BLOQUE 1: As características do movemento
BLOQUE 2: Organización básica do corpo humano
BLOQUE 3: O sistema locomotor
BLOQUE 4: O sistema cardiopulmonar
BLOQUE 5: O sistema de achegar e utilización da enerxía
BLOQUE 6: Os sistemas de coordinación e de regulación
BLOQUE 7: Expresión e comunicación corporal
BLOQUE 8: Elementos comúns